لاہور: پاکستان پیپلز پارٹی اور پاکستان مسلم لیگ ن کی کوآرڈینیشن کمیٹیوں کا اجلاس آج گورنر ہاؤس لاہور میں ہوگا۔
اجلاس کی میزبانی گورنر پنجاب سردار سلیم حیدر کریں گے، جبکہ پیپلز پارٹی کی نمائندگی راجہ پرویز اشرف، حسن مرتضیٰ، ندیم افضل چن اور قاسم گیلانی کریں گے۔ مسلم لیگ ن کی طرف سے اسحاق ڈار، رانا ثنا اللہ، مریم اورنگزیب اور سعد رفیق اجلاس میں شریک ہوں گے۔
ذرائع کے مطابق، پیپلز پارٹی صوبائی اتھارٹیز میں نامزدگیوں، ترقیاتی فنڈز اور بیوروکریسی میں تبادلوں کے معاملات کو حکومت کے سامنے رکھے گی۔ اسی طرح حکومت پیپلز پارٹی کے شکوے دور کرنے کے لیے عملی اقدامات کرے گی۔
