لاہور :محکمہ ہائر ایجوکیشن نے کالجز میں دوران کلاسز موبائل فونز کے استعمال پر پابندی عائد کر دی ہے۔ ڈائریکٹر کالجز اور پرنسپلز کو مراسلے کے ذریعے اس پابندی پر عملدرآمد کی ہدایات جاری کر دی گئی ہیں۔مراسلے میں کہا گیا ہے کہ اساتذہ اور طلبہ دونوں کے لیے موبائل فونز کا استعمال کلاسز کے دوران ممنوع ہوگا، کیونکہ موبائل فونز کے استعمال سے تدریسی عمل میں خلل پڑتا ہے اور کلاسز کی توجہ متاثر ہوتی ہے۔ محکمہ کی جانب سے مزید کہا گیا کہ جو اساتذہ یا طلبہ اس پابندی پر عمل نہیں کریں گے، ان کے خلاف کارروائی کی جائے گی۔مراسلے میں کہا گیا کہ اساتذہ اور طلبہ دونوں کے استعمال پر پابندی ہوگی، دوران کلاسز موبائل فونز کے استعمال سے تدریسی عمل میں خلل پیدا ہوتا ہے۔جاری مراسلے میں مزید کہا گیا کہ موبائل فونز کے استعمال سے کلاسز میں پڑھائی متاثر ہوتی ہے، عملدرآمد نہ کرنے والے اساتذہ اور طلبہ کے خلاف کارروائی ہوگی۔
