واشنگٹن : امریکا کے وسطی اور جنوبی علاقوں میں شدید طوفانی ہواؤں اور آندھیوں نے تباہی مچادی ہے، جس کے نتیجے میں 40 سے زائد افراد ہلاک اور درجنوں زخمی ہو گئے ہیں۔ امریکی میڈیا کے مطابق، ریاست میسوری سب سے زیادہ متاثر ہوئی جہاں 12 افراد ہلاک ہوئے۔ اس کے علاوہ، ریاست ٹیکساس اور آرکنساس میں بھی طوفانی بگولوں نے 12 افراد کی جانیں لے لیں۔ امریکی صدر ٹرمپ نے آرکنساس میں نیشنل گارڈ کو امدادی کارروائیوں کے لیے بھیج دیا ہے۔
میڈیا رپورٹس کے مطابق، ریاست اوکلاہوما میں طوفانی بگولوں کے سبب جنگلات میں 150 سے زائد مقامات پر آگ بھڑک اُٹھی ہے۔اس قدرتی آفت نے امریکا کے 8 ریاستوں میں تقریباً 3 لاکھ 20 ہزار سے زائد گھروں کو بجلی سے محروم کر دیا ہے۔ امریکی محکمہ موسمیات نے پیشگوئی کی ہے کہ ریاست مسیسپی، مشرقی لوزیانا اور مغربی ٹینیسی بھی طوفان کی زد میں آ سکتے ہیں۔
