کراچی:ملک میں گیس اور تیل کے مزید ذخائر دریافت ہو گئے، ماڑی انرجیز لمیٹڈ نے وزیرستان سےگیس اور تیل کی دریافت سے متعلق پاکستان سٹاک ایکسچینج کو خط لکھ دیا۔
خط میں لکھا گیا ہے کہ خیبر پختونخوا میں سپن وام ون کنوئیں سے دوسری بار تیل و گیس کے ذخائر دریافت ہوگئے ، کنوئیں سے ہلکے تیل اور گیس کابہاؤ 3 ہزار 4 سو 31 پاؤنڈ فی مربع انچ ہے ، کنوئیں سے حاصل ہونے والی گیس کی مقدار یومیہ 20.485 ایم ایم ایس سی ایف ڈی ہے۔ماڑی انرجیز کیجانب سے لکھے گئے خط میں کہا گیا ہے سپن وام ون کنوئیں سے ملنے والے ہلکے تیل کے ذخائر کی یومیہ مقدار 117 بیرل ہے ، وزیرستان میں کواگڑھ فارمیشن میں ماری انرجیز کا شیئر 55 فیصد،او جی ڈی سی ایل کا شیئر 35 فیصد جبکہ اوریئنٹ پٹرولیم کا 10 فیصد شیئر ہے۔
معاشی ماہرین کا کہناہے کہ وزیرستان میں تیل و گیس کے مزید ذخائر دریافت ہونے کے قوی امکانات ہیں۔
