لیہ۔ محکمہ تعلیم کے زیر اہتمام مرکزی تقریب گورنمنٹ ایم سی ہائی سکول میں منعقد کی گئی ، تقریب کا آغاز قومی پرچم کشائی اور سلامی سے کیا گیا۔
لیہ۔(بیوروچیف لیہ)ڈسٹرکٹ ایجوکیشن آفیسر رضوان گجر، ڈپٹی ڈی ای او گل شیر نے دیگر شرکاء کے ہمراہ پاکستانی پرچم بلند کیا ۔ مرکزی تقریب کا سیمینار کیپٹن اسفند یار بخاری شہید ہال میں منعقد ہوا ۔ سیمینار میں ڈپٹی ڈی ای اوز میمونہ ارم، فاطمہ عزیز بھی شریک
سینیر پرنسپلز مظہر حسین، رضوان عالم، عمران حیدر, طارق امین، سید نادر اور محمد بلال نے بھی شرکت کی، یوم پاکستان کی تقریب میں اساتذہ، طلبہ میڈیا نمائندگان نے بڑی تعداد میں شرکت کی۔ 23 مارچ کا اہم اور یادگار دن تحریک پاکستان میں سنگ میل کی حیثیت رکھتا ہے۔ ڈسٹرکٹ ایجوکیشن آفیسر رضوان گجر
ڈسٹرکٹ ایجوکیشن آفیسر رضوان گجرکا کہنا تھا کہ یوم پاکستان لازوال قربانیوں اور بے پناہ جدوجہد کی تاریخی حقیقت ہے، آج کا دن علامہ اقبال کے عظیم خواب، قائداعظم محمد علی جناح کے مصمم ارادے اور برصغیر کے مسلمانوں کی لازوال قربانیوں کی یاد دلاتا ہے، ہم عہد کرتے ہیں قومی یکجہتی، باہمی محبت، اخوت اور بھائی چارے کو فروغ دیکر وطن عزیز کو عظیم سے عظیم تر بنائیں گے، آزادی بڑی نعمت ہے نوجوان نسل کو بزرگوں کی قربانیوں کو یاد رکھنا چاہیے۔
ڈپٹی ڈی ای او گل شیر کا کہنا تھا کہ آزاد قومیں اپنی ثقافت اور نظریے کو زندہ رکھتی ہیں، آج کا دن تجدید عہد کا دن ہے اور ہم اپنے وطن کی عظمت کے لئے مسلمانان ہند کی قربانیوں کو مشعل راہ بنا کر سفر جاری رکھیں گے۔
طلبہ نے ملی نغمے اور تقاریر پیش کیں اور شہداء کے خاندانوں قومی ہیروز کو خراج عقیدت پیش کیا گیا
