ریاض:مسجدالحرام اور مسجد نبویﷺ میں شب قدر کی تلاش میں تیسری طاق رات پر خصوصی عبادات کا اہتمام کیا گیا جس میں لاکھوں افراد نے شرکت کی۔
رمضان المبارک کے آخری عشرے کی 25 ویں شب کے موقع پر مسجدالحرام اور مسجد نبویﷺ میں 25 لاکھ سے زائد نمازی شریک ہوئے اور نوافل ادا کیے۔مسجدالحرام اور مسجد نبویﷺکی چھتوں، صحن اور ارد گردشاہراہوں، کلاک ٹاور میں نمازیوں کا بھرپور رش دیکھا گیا، طواف وعمرہ کے بعد نماز تراویح، قیام اللیل اور اجتماعی دعاؤں کے لیے نمازیوں کی بڑی تعداد شریک ہوئی۔اس موقع پر زائرین کے تحفظ کے لیے 20 ہزار پبلک سکیورٹی فورس کے اہلکار مصروف عمل رہے، فورس نے ہجوم کو کنٹرول و منظم کرنے کے لیے راہداری کی نگرانی کی۔فورس نے ٹریفک کی روانی، نقل وحرکت کو یقینی بنانے کے لیے جدید ترین ٹیکنالوجی اور مواصلاتی نظام کا استعمال کیا۔
