وزیر اعلیٰ پنجاب مریم نواز شریف نے کہا ہے کہ تھیٹر کو بحال کر کے فن و ثقافت کی ترویج کیلئے بہترین ذریعہ بنائیں گے۔
تھیٹر کے عالمی دن پر پیغام جاری کرتے ہوئے وزیر اعلیٰ پنجاب مریم نواز شریف نے کہا ہے کہ تھیٹر فن و ثقافت کا آئینہ دار ہے، تھیٹر معاشرتی اقدار کی عکاسی اور شعور بھی فراہم کرتا ہے، باشعور اور ترقی یافتہ معاشرے میں معیاری تھیٹر کو باوقار مقام حاصل ہوتاہے۔مریم نواز نے کہا ہے کہ پنجاب حکومت تھیٹر کی اپ گریڈیشن کے لیے اقدامات کر رہی ہے، تھیٹر کو مثبت اور باوقار تفریح کا ذریعہ بنانے کے لیے اقدامات کئے جارہے ہیں، فنکاروں کی فلاح و بہبود کے لیے آرٹسٹ فنڈ قائم کر دیا گیا ہے۔انہوں نے مزید کہا ہے کہ فن اور فنکار کی فلاح و بہبود ترجیحات میں شامل ہے، تھیٹر کو بحال کر کے فن و ثقافت کی ترویج کیلئے بہترین ذریعہ بنائیں گے، تھیٹر پاکستان کے مثبت تشخص اور تہذیبی ورثے کے فروغ میں نمایاں کردار ادا کرسکتا ہے۔
