لاہور کے ایکسپو سینٹر گیٹ نمبر 6 جوہر ٹاؤن میں سکول وین الٹ گئی، حادثے میں 14 بچے شدید زخمی ہو گئے۔
واقعہ اس وقت پیش آیا جب بچے سکول جا رہے تھے، ریسکیو حکام کے مطابق حادثہ میں 14 بچے زخمی ہوئے جن میں سے 10 بچے شدید زخمی ہیں، کچھ بچوں کے بازوؤں اور ہاتھوں کی ہڈیاں ٹوٹ گئیں۔ریسکیو حکام نے بتایا کہ حادثے میں زخمی ہونے والے 9 بچوں کو موقع پر ہی ابتدائی طبی امداد دی گئی جبکہ 5 بچوں کو جناح ہسپتال منتقل کیا گیا، زخمی بچوں میں 13 سالہ فارس، 11 سالہ ہانیہ، 15 سالہ ارسلان، 10 سالہ مشعال اور 15 سالہ علیزے شامل ہیں۔پولیس کے مطابق تمام بچوں کی حالت اب خطرے سے باہر ہے اور سرجیکل وارڈ میں علاج جاری ہے، حادثے کی وجوہات جاننے کیلئے تحقیقات شروع کر دی گئی ہیں۔
