کہا جا رہا ہے کہ آنے والا دور آرٹی فیشل انٹیلی (اے آئی) ٹیکنالوجی کا ہوگا اور اس میں مہارت کیرئیر کے بہت اہم ہوگی۔
تو اگر آپ بھی اے آئی میں مہارت حاصل کرنا چاہتے ہیں اور اسے سیکھنے کے لیے پیسے خرچ کرنا نہیں چاہتے تو آپ کے لیے اچھی خبر ہے۔مائیکرو سافٹ کی جانب سے گلوبل اے آئی اسکلز فیسٹیول کا اعلان کیا گیا ہے جس کے دوران لوگوں کو اے آئی کی مفت تربیت دی جائے گی۔
50 روزہ ٹریننگ ایونٹ 8 اپریل سے 28 مئی 2025 تک جاری رہے گا۔اس پروگرام کو نو آموز افراد سے لے کر پروفیشنل افراد کے لیے ڈیزائن کیا گیا ہے جو یہ سمجھنا چاہتے ہیں کہ اے آئی ٹیکنالوجی کس طرح مستقبل میں روزگار کے مواقعوں پر اثرات مرتب کرسکتی ہے اور اسے کیسے مؤثر طریقے سے استعمال کیا جاسکتا ہے۔
تو یہ پروگرام اہم کیوں ہے؟
دنیا بھر میں دفاتر میں تیزی سے تبدیلی آرہی ہے کیونکہ اے آئی ٹولز زیادہ طاقتور ہوگئے ہیں اور انہیں زیادہ بڑے پیمانے پر استعمال کیا جا رہا ہے۔کمپنیوں کی جانب سے ایسے افراد کو تلاش کیا جا رہا ہے جو ان اے آئی ٹولز کو استعمال کرسکیں۔مائیکرو سافٹ کی جانب سے متعارف کرایا جانے والا پروگرام اس لیے اہم ہے کیونکہ یہ بالکل مفت ہے اور دنیا بھر کے تمام افراد اس کا حصہ بن سکتے ہیں، کسی ٹیکنالوجی ڈگری کی ضرورت نہیں۔
جب رجسٹریشن ہو جائے گی تو آپ کو 50 روزہ پروگرام تک رسائی مل جائے گی جیسے لائیو سیشنز، آن ڈیمانڈ مواد اور کمیونٹی ایونٹس وغیرہ۔یہ ٹریننگ سیشنز 40 سے زائد زبانوں میں دستیاب ہوں گے۔ہر سیشن 45 سے 60 منٹ کا ہوگا تو مصروف زندگی میں اتنا وقت نکالنا زیادہ مشکل نہیں۔مائیکرو سافٹ کی جانب سے پوائنٹ پر مبنی سسٹم بھی تیار کیا گیا ہے مختلف چیلنجز کے ذریعے اے آئی ٹیکنالوجی میں آپ کی پیشرفت کو ٹریک کرے گا۔اگر آپ پروگرام کو مکمل کرتے ہیں تو مائیکرو سافٹ کی جانب سے مفت سرٹیفکیٹ بھی دیا جائے گا۔
