ملک کے مختلف علاقوں میں زلزلے کے شدید جھٹکے

پاکستان میں ایک گھنٹے کے دوران دو بار زلزلہ,پہلا زلزلہ تقریباً 12 بجے 4.3 شدت جبکہ دوسرا زلزلہ ساڑھے 12 بجے 5.5 شدت کا آیا

اسلام آباد اسلام آباد سمیت ملک کے مختلف علاقوں میں زلزلے کے شدید جھٹکے محسوس کئے گئے، جن کی شدت 5.5 محسوس کی گئی۔

ملک میں آنے والے زلزلے کے جھٹکے اسلام آباد گردونواں جبکہ ہری پور، سوات، مالاکنڈ، ایبٹ آباد، چارسدہ، صوابی، ٹیکسلا ، حسن آباد میں بھی محسوس کئے گئے۔

اس کے علاوہ اٹک، سانگلہ ہل، خان پور ہزارہ، کندیاں، چشمہ، پپلاں اور دیگر علاقوں میں زلزلے کے شدید جھٹکے محسوس کئے گئے، لوگوں خوف وحراس کے باعث گھروں سے باہر نکل آئے۔

زلزلہ پیماء کے مطابق زلزلہ کا مرکز راولپنڈی سے 60 کلومیٹر دور شمال مغرب میں تھا جبکہ اسکی گہرائی 12 کلومیٹر ریکارڈ کی گئی۔

خیبرپختونخوا کے علاقے سوات اور گرد و نواح میں 11 بج کر 54 منٹ پر پہلی بار زلزلے کے جھٹکے محسوس کئے گئے

شدت ریکٹر اسکیل پر 4.3 ریکارڈ کی گئی، جس کا مرکز پاک افغان تاجکستان سرحدی علاقہ تھا جبکہ اس کی گہرائی 88 کلو میٹر تھی۔

دوسری بار زلزلے کے جھٹکے 12 بج کر 30 منٹ پر محسوس کئے گئے، جن کی شدت 5.5 تھی جبکہ اس کا مرکز راولپنڈی سے 60 کلو میٹر دور اور گہرائی صرف 12 کلو میٹر تھی۔

زلزلے کے جھٹکے اسلام آباد، گوجر خان، ہری پوری، سوات، ایبٹ آباد، اٹک، گوجرانوالہ، سرگودھا، جھنگ، ٹیکسلا، واہ کینٹ سمیت گرد و نواح کے مختلف علاقوں میں بھی محسوس کئے گئے۔

زلزلے کے جھٹکے محسوس ہونے کے بعد شہری خوفزدہ ہوگئے، لوگ گھروں سے باہر نکل آئے تاہم تاحال کسی جانی یا مالی نقصان کی کوئی اطلاع نہیں ملی۔