اسلام آباد:حکومت نے پی آئی اے کی نجکاری کیلئے اظہار دلچسپی کی درخواستیں 24 اپریل کو طلب کرنے کا فیصلہ کرلیا۔
نجکاری کمیشن کے مطابق اس عمل میں صرف سنجیدہ سرمایہ کاروں کو شامل کرنے کیلئے پری کوالیفکیشن کے معیار سخت کر دیے گئے ہیں۔پی آئی اے کی نجکاری کیلئے اظہار دلچسپی کی درخواستیں 24اپریل کو طلب کی جائیں گی۔ملکی و غیر ملکی سرمایہ کاروں کو کم از کم ایک ماہ کی مہلت دی جائے گی۔
نجکاری کیلئے پی آئی اے کے 51فیصد سے سو فیصد تک شیئرز فروخت کیے جائیں گے۔نجکاری کے عمل میں ملازمین کا تحفظ اور سروس اسٹرکچر برقرار رکھا جائے گا۔ پی آئی اے کے اثاثوں اور مالی حیثیت کا جائزہ جولائی تک مکمل کیا جائے گا۔
درخواستوں کی جانچ پڑتال ستمبر 2025 تک کی جائے گی۔نجکاری کا عمل دسمبر 2025 تک مکمل کرنے کی منصوبہ بندی کی گئی ہے۔ پری کوالیفکیشن کے معیار سخت کر دیے گئے ہیں تاکہ صرف سنجیدہ سرمایہ کار ہی اہل ہوں۔پری کوالیفکیشن میں سرمایہ کار کمپنیوں کو ملٹی ایئر ریونیو کی شرط پوری کرنا ہوگی۔
یورپ کیلئے پروازوں کی بحالی کے بعد پی آئی اے سرمایہ کاروں کیلئے مزید پرکشش بن چکی ہے۔ خلیجی ریاستوں اور ترک ایئر لائن سمیت متعدد اداروں کی جانب سے دلچسپی متوقع ہے۔اس بار ”کلین پی آئی اے“کا ماڈل اپنایا گیا ہے۔ حکومت پہلے ہی پی آئی اے کا قرضہ اپنے ذمے لے چکی ہے۔ وفاقی کابینہ نجکاری کمیشن کی سفارش پر نجکاری کی منظوری دے چکی ہے۔
