پاکستان کی کامیاب ترین خاتون کوہ پیما نائلہ کیانی نے اگلی چوٹی سر کرنے کے لیے پیش قدمی شروع کردی۔
نائلہ کیانی کی نظریں دنیا کی تیسری بلند ترین چوٹی کینچن جونگا سرکرنے پر مرکوز ہیں۔نیپال میں واقع کینچن جونگا کی بلندی 8,586 میٹر ہے۔ نائلہ کیانی کینچن جونگا کے بیس کیمپ کی جانب روانہ ہوگئی ہیں۔پاکستان کی ٹاپ خاتون کوہ پیما 7 دن کی ٹریکنگ کے بعد کینچن جونگا کے بیس کیمپ پر پہنچیں گی۔
نائلہ کیانی اس ماہ کے آخر میں کینچن جونگا سر کرنے کے لیے پرعزم ہیں۔کینچن جونگا نائلہ کیانی کی 8 ہزار میٹر سے بلند 12 ویں چوٹی ہوگی۔نائلہ کیانی 8 ہزار میٹر سے بلند 11 چوٹیاں سر کرنے والی واحد پاکستانی خاتون کوہ پیما ہیں۔
