نادر مگسی نے 3 گھنٹے 58 منٹ اور 27 سیکنڈز میں ٹریک مکمل کر کے دوسری پوزیشن حاصل کی
چولستان جیپ ریلی کے پری پیئرڈ کیٹیگری کا آخری اور فیصلہ کن راؤنڈ مکمل ہوگیاہے جس میں دفاعی چیمپئن زین محمود نے شاندار کارکردگی دکھاتے ہوئے سب سے پہلے ٹریک مکمل کیا جبکہ نادر مگسی دوسرے نمبر پر رہے۔بہاولپور میں ہونے والےوالی جیب ریلی کے پری پیئرڈ کیٹیگری کے فائنل راؤنڈ میں زین محمود نے 452 کلومیٹر طویل ٹریک کو 3 گھنٹے 56 منٹ اور 32 سیکنڈز میں مکمل کر کے پہلی پوزیشن حاصل کی جبکہ نادر مگسی نے 3 گھنٹے 58 منٹ اور 27 سیکنڈز میں ٹریک مکمل کر کے دوسری پوزیشن حاصل کی۔چولستان جیپ ریلی میں ملک بھر سے بہترین آف روڈ ریسرز نے حصہ لیا، جنہوں نے صحرائی ٹریک پر اپنی مہارت کا بھرپور مظاہرہ کیا ایونٹ میں جیپ ریسرز کی دلچسپی اور شائقین کی بڑی تعداد کی شرکت نے اس مقابلے کو مزید سنسنی خیز بنا دیا۔
