اسلام آباد: وزیراعظم شہباز شریف اور امریکی وزیر خارجہ مارکو روبیو کے درمیان ٹیلیفونک گفتگو ہوئی، جس میں دوطرفہ تعلقات، خطے کی صورتحال اور عالمی امور پر تبادلہ خیال کیا گیا۔
وزیراعظم نے اس موقع پر امریکی صدر ڈونلڈ ٹرمپ کے لیے نیک خواہشات کا اظہار کرتے ہوئے جنوبی ایشیا میں قیام امن کے لیے ان کے مثبت بیانات کو سراہا۔وزیراعظم شہباز شریف نے پاک بھارت جنگ کا خطرہ کم کرنے میں وزیر خارجہ مارکو روبیو کی سفارتی کوششوں کو قابلِ تحسین قرار دیا اور کہا کہ پاکستان بھارت کے ساتھ تمام تصفیہ طلب مسائل، بشمول مقبوضہ کشمیر، سندھ طاس معاہدہ، تجارت اور انسداد دہشتگردی پر بامعنی مذاکرات کے لیے تیار ہے۔سرکاری اعلامیے کے مطابق وزیراعظم نے ایران اسرائیل کشیدگی کے پرامن حل پر زور دیتے ہوئے عالمی برادری سے ذمہ دارانہ کردار ادا کرنے کی اپیل کی۔
