اسلام آباد:تازہ ترین سروے کے مطابق بنگلہ دیش کی اکثریت نے پاکستان کو بھارت کے مقابلے میں بہتر دوست قرار دیا ہے۔ گیلپ پاکستان کے سروے میں 46 فیصد بنگلادیشی عوام نے پاکستان کو اپنا قریبی دوست بتایا جبکہ صرف 11 فیصد نے بھارت کو دوست مانا۔
سروے میں 47 فیصد افراد نے بھارت کو دشمن قرار دیا جبکہ پاک بھارت تنازع میں بھی بنگلادیشی عوام نے پاکستان کی حمایت کی۔ 54 فیصد نے پاکستان کو ترجیح دی جبکہ بھارت کا ساتھ دینے والے محض 9 فیصد تھے۔اسی طرح 46 فیصد نے پاک بھارت تنازع میں پاکستان کو فاتح قرار دیا، جب کہ بھارت کی برتری کا اعتراف صرف 6 فیصد نے کیا۔ پاکستان بنگلادیش کے دوست ممالک کی فہرست میں سرفہرست ہے۔
