اسلام آباد: اسلام آباد ہائیکورٹ کے پانچ معزز ججز نے سپریم کورٹ کے فیصلے کے خلاف انٹراکورٹ اپیل دائر کر دی۔ ججز نے اپیل میں موقف اختیار کیا ہے کہ 19 جون کا فیصلہ کالعدم قرار دیا جائے اور فیصلہ معطل کر کے التواء کی درخواست منظور کی جائے۔
سپریم کورٹ کے پانچ رکنی بینچ نے اسلام آباد ہائیکورٹ میں تین ججز کے تبادلے کو آئینی قرار دیا تھا۔ تاہم ججز کی جانب سے اب اس فیصلے پر اعتراض اٹھاتے ہوئے نظرِ ثانی کی درخواست دائر کی گئی ہے۔ ان کی جانب سے معروف وکیل منیر اے ملک عدالت میں پیش ہوئے۔
