لاہور:ورلڈ ایتھلیٹکس فیڈریشن نے جیولن تھرو کی تازہ ترین عالمی درجہ بندی جاری کر دی ہے، جس میں پاکستان کے مایہ ناز اتھلیٹ ارشد ندیم نے 1370 پوائنٹس کے ساتھ چوتھی پوزیشن حاصل کر لی ہے۔
بھارت کے نیرج چوپڑا 1445 پوائنٹس کے ساتھ عالمی نمبر ایک قرار پائے ہیں، جب کہ گرینیڈا کے اینڈرسن پیٹر دوسرے اور جرمنی کے ویبر تیسرے نمبر پر ہیں۔ارشد ندیم کی یہ شاندار پوزیشن پیرس اولمپکس 2024 سے قبل نہ صرف ان کے لیے بلکہ پاکستان کے لیے بھی امید افزا ہے۔ ان کی کارکردگی عالمی سطح پر پاکستان کے وقار میں مسلسل اضافہ کر رہی ہے۔فیڈریشن کے مطابق رینکنگ میں کھلاڑیوں کی حالیہ فارم، کارکردگی اور بین الاقوامی مقابلوں میں شمولیت کو مدنظر رکھا گیا ہے
