پاور ڈویژن نے شیخوپورہ میں لیسکو گارڈ کےہاتھوں معمر خاتون کی بے توقیری پر سخت ایکشن لے لیا ہے، جس کے بعد سیکیورٹی گارڈ کیخلاف مقدمہ درج کرکے اس کو تحویل میں لے لیا گیا ہے۔
ترجمان پاور ڈویژن کا کہنا ہےکہ ملازمین کی طرف سے قانون شکنی اور عوام کی تذلیل کسی صورت برداشت نہیں کی جائےگی،متعلقہ سیکیورٹی گارڈ کیخلاف انکوائری رپورٹ تین دن کے اندر مکمل کرنے کے احکامات دیئے گئے ہیں۔
پاور ڈویژن اس انفرادی عمل پر معمر خاتون اور دیگر صارفین سے معذرت خواہ ہے،تیس جون کو لیسکو کے گارڈ نے شیخوپورہ سرکل میں معمر خاتون سے بدتمیزی کی تھی ۔
