واشنگٹن :ٹرمپ انتظامیہ نے عدالت سے اجازت ملنے کے فوراً بعد امریکی محکمہ خارجہ کے 1350 ملازمین کو برطرف کر دیا۔ وزیر خارجہ مارکو روبیو کے نوٹس کے مطابق برطرفیوں میں 1107 سول سروس اہلکار اور 246 فارن سروس افسران شامل ہیں۔
محکمہ خارجہ نے اس اقدام کو "تنظیم نو” قرار دیا ہے، جو "امریکا فرسٹ” ایجنڈے کے تحت عمل میں لایا گیا ہے۔ بیان کے مطابق انسانی حقوق، جمہوریت اور پناہ گزینوں سے متعلق دفاتر بند کر کے ان کے اختیارات علاقائی بیوروز کو منتقل کیے جا رہے ہیں۔برطرفیوں کے بعد دفتر میں افسردگی کا ماحول رہا، جہاں ملازمین نے روتے ہوئے ایک دوسرے کو الوداع کہا۔ سینیٹر کرس وان ہولن اظہارِ یکجہتی کے لیے عمارت کے باہر موجود رہے۔
