سرگودھا / انسداد دہشتگردی عدالت سرگودھا نے 9 مئی کے دوران میانوالی جوڈیشل کمپلیکس پر حملے کے کیس کا فیصلہ سنا دیا۔ عدالت نے گرفتار ملزم اسماعیل کو 25 سال قید کی سزا سنائی ہے۔
عدالت نے مقدمے میں پی ٹی آئی کے رہنما احمد خان بچھر، احمد چھٹہ، بلال اعجاز اور دیگر 51 افراد کو اشتہاری قرار دے دیا ہے۔ واضح رہے کہ اس مقدمے میں عمر ایوب خان کے پہلے ہی ناقابلِ ضمانت وارنٹ گرفتاری جاری کیے جا چکے ہیں۔یاد رہے کہ گزشتہ روز فیصل آباد کی انسداد دہشتگردی عدالت نے 9 مئی واقعات سے متعلق مختلف مقدمات میں پی ٹی آئی رہنماؤں عمر ایوب، شبلی فراز، زرتاج گل اور صاحبزادہ حامد رضا سمیت 196 افراد کو سزائیں سنائی تھیں۔
