راولپنڈی : ترکی میں پاک بحریہ کے سربراہ ایڈمرل نوید اشرف کو "لیجن آف میرٹ آف دی ترک آرمڈ فورسز” کا اعلیٰ عسکری اعزاز دیا گیا ہے۔ آئی ایس پی آر کے مطابق، ترک نیول فورسز کے ہیڈ کوارٹرز پر ان کا پرتپاک استقبال کیا گیا اور انہیں گارڈ آف آنر بھی پیش کیا گیا۔
ایڈمرل نوید اشرف نے ترک نیول فورسز کے کمانڈر، ترک وزیر دفاع، چیف آف جنرل اسٹاف اور کمانڈر ترکش نیوی فلیٹ سے ملاقاتیں کیں جن میں دونوں ملکوں کے درمیان بحری تعاون، علاقائی سکیورٹی، دفاعی شراکت داری اور مشترکہ مشقوں پر تبادلہ خیال ہوا۔انہوں نے استنبول کے نیول شپ یارڈ کا دورہ کیا جہاں پاک بحریہ کے ملجم پروجیکٹ کا جائزہ لیا، جبکہ گولچک نیول بیس میں آبدوزوں کی تعمیراتی صلاحیتوں کا مشاہدہ بھی کیا۔
