اسلام آباد : اسلام آباد میں پاکستان مونومنٹ پر یوم آزادی کی مناسبت سے پروقار پرچم کشائی کی تقریب منعقد ہوئی جس میں وزیر اعظم شہباز شریف نے قومی پرچم لہرایا۔ اس موقع پر وفاقی وزراء اور مختلف سکولوں کے بچوں کی بڑی تعداد بھی موجود تھی۔
ثقافتی لباس میں ملبوس ننھے بچوں نے وزیر اعظم کا استقبال پھولوں کے گلدستے دے کر کیا، جس نے تقریب میں خاص رنگ بھرا۔ ملی جذبے کے ساتھ قومی ترانہ پڑھا گیا اور وزیر اعظم شہباز شریف نے ملک کی سلامتی، ترقی اور خوشحالی کے لیے خصوصی دعا کی۔تقریب کے اختتام پر وزیر اعظم نے یادگار پاکستان پر پھول رکھ کر شہداء کو خراج تحسین پیش کیا۔
