ڈارون : آسٹریلیا میں کھیلے گئے ٹاپ اینڈ ٹی20 سیریز کے افتتاحی میچ میں پاکستان شاہینز نے بنگلادیش اے کو زبردست انداز میں 79 رنز سے شکست دی۔ پاکستان نے پہلے بیٹنگ کرتے ہوئے 20 اوورز میں 4 وکٹوں کے نقصان پر 227 رنز بنائے۔
خواجہ نافع نے شاندار کھیل کا مظاہرہ کرتے ہوئے 8 چوکے اور 2 چھکے لگا کر 61 رنز اسکور کیے، جبکہ یاسر خان نے 7 چوکے اور 2 چھکوں کی مدد سے 62 رنز بنائے۔ عبدالصمد بھی 56 رنز بنا کر ناٹ آؤٹ رہے۔جواب میں بنگلادیش اے ٹیم 17ویں اوور میں صرف 148 رنز بنا کر آؤٹ ہو گئی۔ پاکستان شاہینز کی طرف سے فیصل اکرم اور سعد مسعود نے 3، 3 وکٹیں حاصل کیں۔ اب پاکستان شاہینز اپنا اگلا میچ ہفتے کو پرتھ سکارچر اکیڈمی کے خلاف کھیلے گا۔
