قصور : حضرت بابا بلھے شاہؒ کے 256 ویں عرس کی مناسبت سے جاری تقریبات کا اختتام اجتماعی دعا کے ساتھ ہوا۔
عرس کی آخری دعا رات 3 بجے پیر علی حیدر شاہ نے کی، جس میں ملک کی سلامتی، پاک فوج کے شہداء اور ان کے خاندانوں کے لیے خصوصی دعائیں کی گئیں۔ دعا میں پاکستان کی حفاظت اور عوام کی خوشحالی کے لیے بھی دعا کی گئی۔منیجر اوقاف قصور نے بتایا کہ دعا کے دوران سیلاب زدگان اور فلسطینی بہن بھائیوں کے لیے بھی دعا کی گئی تاکہ وہ اپنے مشکل حالات سے نجات پا سکیں۔
اختتامی تقریب میں سیکڑوں عقیدت مندوں نے شرکت کی، جنہوں نے حضرت بابا بلھے شاہؒ کی تعلیمات کو یاد کیا اور ان کی درگاہ پر عقیدت کے پھول نچھاور کیے۔ اس کے علاوہ اس موقع پر قصور کے تمام مکاتب فکر کے لوگ ایک ساتھ جمع ہوئے اور ملک میں امن و سکون کے لیے دعا کی۔
