کراچی کے شہری ملک بھر میں سب سے مہنگا آٹا اور چینی خریدنے پر مجبور

اسلام آ باد: ملک بھرمیں آٹےکی قیمتوں میں مزید اضافہ ہوگیا، حالیہ ایک ہفتے میں بیس کلو آٹے کے تھیلے کی قیمت میں 300 روپے تک کا اضافہ ہوا۔

کراچی کے شہری ملک میں سب سے مہنگا آٹاخریدنے پرمجبور ہیں، شہر قائد میں میں 20 کلوآٹے کے تھیلے کی قیمت 2100 روپے تک پہنچ گئی۔ادارہ شماریات کے تازہ اعداد و شمار کےمطابق کراچی کے شہری ملک میں سب سے مہنگا آٹا خریدنے پرمجبور ہیں، کراچی میں20کلوآٹے کے تھیلے کی قیمت 2100 روپے تک پہنچ گئی ہے۔

حالیہ ہفتے کراچی،لاڑکانہ اور خضدار میں آٹے کے 20 کلو تھیلے کی قیمت 300روپےتک بڑھ گئی، اسی دوران حیدرآباد اورسکھر میں آٹے کا 20کلو کاتھیلا 280 تک مہنگا ہوا۔ایک ہفتے میں کوئٹہ میں آٹے کے 20 کلو تھیلےکی قیمت210 روپے، اسلام آباد، راولپنڈی، پشاور، بنوں اورملتان میں آٹے کے 20 کلو تھیلے کی قیمت 200 روپے تک بڑھی۔