کراچی: سینئر صحافی سید محمد صوفی انتقال کر گئے۔
سید محمد صوفی طویل علالت کے بعد کراچی میں انتقال کرگئے جس کی تصدیق ان کے اہلخانہ نے کی ہے۔سید محمد صوفی جیونیوز، روزنامہ جنگ سمیت کئی اخبارات اور رسائل سے منسلک رہے۔
سید محمد صوفی کی نمازجنازہ آج بعد نماز عصر کراچی میں ادا کی جائے گی۔کراچی پریس کلب نے 2024 میں سینئر صحافی سید محمد صوفی کی پیشہ ورانہ خدمات کے اعتراف میں تقریب کا اہتمام کیا تھا جس میں قومی کرکٹ ٹیم کے سابق کپتان یونس خان نے انہیں اعزازی شیلڈ بھی پیش کی تھی۔
