اسلام آباد: پی آئی اے کا 2004 کے بعد پہلا منافع، خالص آمدن 6.8 ارب روپے ریکارڈ
قومی ایئرلائن (پی آئی اے) نے مالی سال 2025 کی پہلی ششماہی میں شاندار کارکردگی دکھاتے ہوئے منافع کما لیا۔ رپورٹ کے مطابق ادارے نے جنوری سے جون کے دوران قبل از ٹیکس 11.5 ارب روپے (40.64 ملین ڈالر) منافع حاصل کیا، جو کہ 2004 کے بعد پہلا منافع ہے۔
پی آئی اے جو کہ پی آئی اے ہولڈنگ کمپنی کا حصہ ہے، نے رواں برس کے ابتدائی چھ ماہ میں یہ کامیابی ریکارڈ کی۔ رپورٹ کے مطابق اس عرصے میں ادارے کا خالص منافع 6.8 ارب روپے رہا۔ماہرین کے مطابق یہ پیش رفت قومی ایئرلائن کے لیے ایک سنگ میل ہے جو گزشتہ کئی برسوں سے خسارے میں جا رہی تھی۔ اس مالی بہتری کو انتظامی اصلاحات اور بہتر حکمتِ عملی کا نتیجہ قرار دیا جا رہا ہے۔
