سعودی عرب، برطانیہ اور امریکا میں اہم ملاقاتیں اور خطاب شیڈول
اسلام آباد: وزیراعظم شہباز شریف سعودی ولی عہد محمد بن سلمان کی دعوت پر کابینہ کے اہم ارکان کے ہمراہ سعودی عرب کے ایک روزہ سرکاری دورے پر روانہ ہو گئے۔
سرکاری میڈیا کے مطابق وزیراعظم اپنے دورے کے دوران سعودی فرماں روا سمیت اعلیٰ قیادت سے ملاقات کریں گے، جس میں دوطرفہ تعلقات، خطے کی صورتحال اور عالمی سطح پر ہونے والی تبدیلیوں کے حوالے سے مشترکہ مفادات پر تبادلہ خیال ہوگا۔
ذرائع کے مطابق وزیراعظم شہباز شریف سعودی عرب کے بعد برطانیہ جائیں گے جہاں وہ دو روز قیام کریں گے، اس کے بعد وہ امریکا روانہ ہوں گے۔امریکا کے دورے کے دوران وزیراعظم اقوام متحدہ کی جنرل اسمبلی سے خطاب کریں گے اور اہم عالمی رہنماؤں سے ملاقاتیں بھی کریں گے۔
