کراچی سائٹ ایریا کی سڑکوں کی تعمیر کے لیے 5 ارب روپے جاری
کراچی: سائٹ انڈسٹریل ایریا کی تباہ حال سڑکوں کی بحالی کا مسئلہ حل ہو گیا، وفاقی حکومت نے 49 سڑکوں کی مرمت اور تعمیر نو کے لیے پانچ ارب روپے جاری کر دیے۔
وزیراعظم کی منظوری کے بعد فنڈز فراہم کیے گئے ہیں جن کے تحت جلد ہی سڑکوں کی مرمت اور تعمیر کا کام شروع کیا جائے گا۔ چیئرمین منصوبہ بندی کو بریفنگ میں بتایا گیا کہ منصوبے پر مجموعی طور پر پانچ ارب ایک کروڑ روپے خرچ ہوں گے۔
حکام کے مطابق یہ رقم سائٹ ایریا کی سڑکوں کی مکمل مرمت اور دوبارہ تعمیر کے لیے مختص کی گئی ہے جبکہ محکمہ صنعت کو ہدایت کی گئی ہے کہ ٹینڈرز میں شفافیت اور سیپرا قوانین پر سختی سے عمل یقینی بنایا جائے۔
