لیہ میں قتل یا خود کشی کا معمہ، تھانہ چوبارہ کی حدود میں لڑکی جاں بحق , نوجوان شدید زخمی

لیہ کے علاقے تھانہ چوبارہ کی حدود چک نمبر 326 ٹی ڈی اے میں افسوسناک واقعہ پیش آیا

جہاں 18 سالہ مریم بی بی جاں بحق ہو گئی۔ پولیس کے مطابق والد کو اپنی بیٹی پر وقاص نامی نوجوان کے ساتھ ناجائز تعلقات کا شبہ تھا۔ محمد نعیم نے نوجوان کو دکان پر سوئے ہوئے تشدد کا نشانہ بنایا اور گھسیٹ کر گھر لے آیا۔ مبینہ طور پر پکڑے جانے کے خوف سے مریم بی بی نے گندم کی گولیاں کھا کر خودکشی کر لی اور موقع پر دم توڑ گئی۔ تشدد سے نوجوان وقاص شدید زخمی ہو گیا۔ پولیس کے مطابق لاش اور زخمی کو تحصیل ہسپتال چوبارہ منتقل کر دیا گیا ہے، جہاں لڑکی کا پوسٹ مارٹم کیا جا رہا ہے۔ پولیس کا کہنا ہے کہ تحقیقات جاری ہیں اور پوسٹ مارٹم رپورٹ کے بعد حقائق سامنے آئیں گے۔