ڈی آئی خان میں المناک حادثہ، 11 افراد جاں بحق
ڈیرہ اسماعیل خان کے علاقے دانا سر میں خوفناک ٹریفک حادثہ پیش آیا جہاں ایک گاڑی بریک فیل ہونے کے باعث گہری کھائی میں جا گری۔ ریسکیو حکام کے مطابق حادثے میں 11 افراد موقع پر جاں بحق جبکہ 3 زخمی ہوگئے۔
جاں بحق ہونے والے تمام افراد کا تعلق ایک ہی خاندان سے ہے۔ حادثہ خانوزئی سے ڈیرہ اسماعیل خان آتے ہوئے پیش آیا۔ زخمیوں میں دریا خان، احمد اور 10 سالہ یوسف شامل ہیں جنہیں نعشوں کے ساتھ ضابطے کی کارروائی مکمل کرنے کے بعد ہسپتال منتقل کر دیا گیا۔
