لیہ:چک نمبر 157 ٹی ڈی اے بیوہ صغریٰ بی بی کی 3 بکریاں چوری کر لی گئیں
لیہ ( نیوز رپورٹر ) تھانہ پیر جگی کی حدود میں بکریاں چوری کی واردات پیش آئی ہے۔ چک نمبر 157 ٹی ڈی اے کی رہائشی بیوہ صغریٰ بی بی کی تین قیمتی بکریاں نامعلوم چور دیوار پھاند کر چرا لے گئے۔ چوری شدہ بکریوں کی مالیت لاکھوں روپے بتائی جا رہی ہے۔
واقعہ کی اطلاع ملتے ہی پولیس موقع پر پہنچ گئی اور شواہد اکٹھے کرتے ہوئے کاروائی کا آغاز کر دیا۔ بکریوں کے چوری ہونے پر بیوہ خاتون شدید پریشانی میں مبتلا ہیں۔ صغریٰ بی بی نے ڈسٹرکٹ پولیس آفیسر محمد علی وسیم سے اپیل کی ہے کہ ملزمان کو گرفتار کر کے انہیں انصاف فراہم کیا جائے۔
