کراچی میں حالیہ مون سون بارشوں کے بعد موسم خوشگوار رہا مگر اب اکتوبر کے آغاز سے پہلے ہی درجہ حرارت بڑھنے کا امکان ظاہر کیا گیا ہے۔ محکمہ موسمیات کے مطابق آئندہ دنوں میں شہر قائد میں گرمی اور حبس دوبارہ لوٹ سکتا ہے۔
محکمہ موسمیات کا کہنا ہے کہ آئندہ تین روز کے دوران کراچی میں درجہ حرارت میں بتدریج اضافہ متوقع ہے، جبکہ ہوا میں نمی کی شرح بھی بڑھ سکتی ہے، جس کے نتیجے میں شہریوں کو گرم اور مرطوب موسم کا سامنا کرنا پڑے گا۔ ماہرین کے مطابق دن کے اوقات میں سورج کی تپش کے باعث گرمی کی شدت بڑھ جائے گی اور حبس کی کیفیت شہریوں کے لیے مزید پریشانی کا باعث بن سکتی ہے۔ محکمہ موسمیات نے خبردار کیا ہے کہ اتوار اور پیر کے روز درجہ حرارت 36 ڈگری سینٹی گریڈ تک پہنچ سکتا ہے، جو اس وقت کے لیے معمول سے زیادہ تصور کیا جا رہا ہے۔
رپورٹ کے مطابق شام کے اوقات میں سمندری ہوائیں بحال ہونے کا امکان ضرور ہے، جس کے نتیجے میں گرمی کی شدت میں معمولی کمی آسکتی ہے، لیکن دن کے اوقات میں سورج کی تپش اور نمی کا امتزاج شہریوں کے لیے مشکلات پیدا کرسکتا ہے۔ محکمہ موسمیات نے شہریوں کو مشورہ دیا ہے کہ وہ دن کے وقت غیر ضروری طور پر باہر نکلنے سے گریز کریں، پانی کا زیادہ استعمال کریں اور دھوپ میں نکلتے وقت احتیاطی تدابیر اختیار کریں تاکہ ہیٹ اسٹروک یا دیگر موسمی بیماریوں سے محفوظ رہا جا سکے۔
صرف کراچی ہی نہیں بلکہ سندھ کے دیگر بیشتر اضلاع میں بھی آج اور آئندہ دنوں کے دوران موسم گرم اور مرطوب رہنے کی پیش گوئی کی گئی ہے۔ اندرون سندھ کے کئی شہروں میں بھی درجہ حرارت میں اضافے کا امکان ہے اور مقامی افراد کو شدید گرمی اور حبس کے لیے تیار رہنے کا مشورہ دیا گیا ہے۔ موسم کا یہ اچانک بدلاؤ مون سون سیزن کے اختتام اور اکتوبر کے آغاز میں پیدا ہونے والی موسمیاتی تبدیلیوں کی ایک عام علامت ہے، جو ہر سال بارشوں کے بعد محسوس کی جاتی ہے۔
ماہرین موسمیات کے مطابق اس وقت کراچی اور سندھ کے ساحلی علاقوں پر ہوا کا دباؤ تبدیل ہو رہا ہے، جس کی وجہ سے سمندری ہوائیں کمزور ہو کر بند ہو جاتی ہیں اور گرمی کی شدت میں اضافہ دیکھنے میں آتا ہے۔ اسی وجہ سے اگلے چند روز تک شہر میں گرمی کا دورانیہ برقرار رہنے کا امکان ہے۔ شہریوں کو چاہیے کہ وہ موسم کی اس تبدیلی کے پیشِ نظر اپنی روزمرہ سرگرمیوں میں احتیاط برتیں، خصوصاً بزرگوں، بچوں اور مریضوں کو سخت دھوپ اور حبس سے بچانے کے لیے خصوصی اقدامات کیے جائیں۔
یاد رہے کہ رواں ماہ ہونے والی بارشوں نے کراچی میں نہ صرف درجہ حرارت کم کیا بلکہ فضا کو بھی صاف کیا تھا اور شہریوں کو ایک خوشگوار ماحول فراہم کیا تھا، لیکن اب اکتوبر کے آغاز سے قبل گرمی کی یہ واپسی موسم کے ایک نئے مرحلے کی نشاندہی کرتی ہے۔ ماہرین کا کہنا ہے کہ اگرچہ یہ گرمی کچھ دنوں کے لیے ہوگی لیکن اس کے بعد بتدریج موسم سردیوں کی جانب بڑھنا شروع کر دے گا اور اکتوبر کے وسط کے بعد درجہ حرارت میں واضح کمی متوقع ہے۔
محکمہ موسمیات نے شہریوں سے اپیل کی ہے کہ وہ موسم کے تازہ ترین حالات سے باخبر رہیں اور اپنی صحت و سلامتی کے لیے احتیاطی تدابیر اختیار کریں تاکہ آنے والے گرم اور مرطوب دنوں میں کسی قسم کی مشکلات کا سامنا نہ کرنا پڑے۔
