دبئی انٹرنیشنل ائیرپورٹ نے مسافروں کے لیے جدید ریڈ کارپٹ اسمارٹ کوریڈور متعارف کروا دیا ہے، جس کی بدولت امیگریشن کا عمل اب صرف چند سیکنڈز میں مکمل ہو رہا ہے۔
اس نئے نظام میں مسافروں کو نہ پاسپورٹ دکھانے کی ضرورت ہے اور نہ ہی بورڈنگ پاس پیش کرنے کی۔ مسافر بیک وقت 10 افراد کے ساتھ اسمارٹ کوریڈور سے گزر سکتے ہیں۔
یہ سہولت دنیا کا پہلا مصنوعی ذہانت (AI) پر مبنی کوریڈور ہے جو فی الحال ٹرمینل تھری بزنس کلاس ڈپارچر ہال میں دستیاب ہے۔
دبئی حکام کے مطابق اس جدید ٹیکنالوجی سے خاص طور پر فیملیز کو سب سے زیادہ فائدہ ہوگا، کیونکہ وقت کی بچت کے ساتھ امیگریشن کا عمل مزید آسان اور تیز ہو گیا ہے۔
GDRFA Dubai نے اس سسٹم کو مسافروں کے لیے ایک انقلابی سہولت قرار دیا ہے جو دبئی ائیرپورٹ کو ڈیجیٹل ٹیکنالوجی کے میدان میں مزید آگے لے جائے گی۔ مستقبل میں اس سہولت کو تمام ٹرمینلز تک وسعت دینے کا منصوبہ ہے۔
یہ اقدام دبئی کے اس وژن کی تکمیل کی جانب اہم قدم ہے جس کے تحت شہر کو دنیا کے بہترین اور سب سے جدید مقامات میں تبدیل کرنے کے لیے ڈیجیٹل اور AI ٹیکنالوجی پر فوکس کیا جا رہا ہے۔
