ایشیا کپ کے فائنل میں پاکستان کے خلاف بڑے معرکے کے لیے بھارتی ٹیم میں تبدیلیوں کا امکان ظاہر کیا جا رہا ہے۔ بھارتی میڈیا کے مطابق اس اہم میچ کے لیے جسپریت بمرا اور شیوم دوبے کی پلیئنگ الیون میں واپسی متوقع ہے۔
رپورٹس کے مطابق فاسٹ بولرز ارشدیپ سنگھ اور ہرشیت رانا کو ٹیم سے ڈراپ کیے جانے کا امکان ہے تاکہ مضبوط کمبی نیشن کے ساتھ میدان میں اترا جا سکے۔
بھارتی کوچ نے دو اہم کھلاڑیوں کی فٹنس پر خدشات ظاہر کیے ہیں، خصوصاً آل راؤنڈر ہاردیک پانڈیا کی صحت پر سوالیہ نشان اب بھی قائم ہے۔ پانڈیا سری لنکا کے خلاف میچ میں صرف ایک اوور کرانے کے بعد ہیمسٹرنگ انجری کا شکار ہو گئے تھے۔
تاہم بھارتی میڈیا کا کہنا ہے کہ ٹیم مینجمنٹ نے ہاردیک پانڈیا کو پاکستان کے خلاف فائنل کے لیے فٹ قرار دیا ہے اور ان کی شرکت کے قوی امکانات ہیں۔
