سرگودھا میں ایک جعلی عامل نے لڑکی کو جن نکالنے کے بہانے اپنے جال میں پھنسایا۔
ملزم نے تعویذ گنڈے اور جھاڑ پھونک کے بہانے متاثرہ لڑکی کے گھر والوں سے 30 لاکھ روپے وصول کیے۔ بعد ازاں اس نے لڑکی کو تنہا بلا کر مبینہ طور پر زیادتی کی کوشش بھی کی۔
پولیس کے مطابق جعلی عامل نے صرف یہی نہیں کیا بلکہ لڑکی کی نازیبا ویڈیو بنا کر اسے مزید 20 لاکھ روپے دینے کے لیے بلیک میل بھی کیا۔ متاثرہ خاندان کے احتجاج پر پولیس نے فوری مقدمہ درج کرلیا ہے۔ تاہم اب تک ملزم کو گرفتار نہیں کیا جا سکا اور پولیس نے اس کی تلاش شروع کر دی ہے۔
