اسلام آباد: پاکستان میڈیکل اینڈ ڈینٹل کونسل نے حکومت کی مقررہ فیسوں پر عمل درآمد نہ کرنے والے نجی میڈیکل کالجز کے خلاف قانونی کارروائی کا اعلان کر دیا ہے۔
پی ایم ڈی سی کے اعلامیے کے مطابق تمام نجی میڈیکل کالجز کو ہدایت کی گئی ہے کہ وہ اپنی ویب سائٹس پر جاری کردہ من مانے فیس اسٹرکچر فوری طور پر ختم کریں اور ایم بی بی ایس اور بی ڈی ایس کے لیے وفاقی حکومت کی منظور شدہ فیس ظاہر کریں۔
کونسل نے واضح کیا ہے کہ ہدایت پر عمل نہ کرنے والے اداروں کی اکریڈیشن معطل کر دی جائے گی۔ مزید کہا گیا ہے کہ جو کالجز حکومت کے مقررہ فیس اسٹرکچر پر عمل نہیں کریں گے، ان کے خلاف قانونی کارروائی بھی کی جائے گی۔
