لاہور: الیکشن کمیشن آف پاکستان نے پنجاب میں ضمنی انتخابات کا نیا شیڈول جاری کر دیا ہے، جس کے مطابق پولنگ 23 نومبر 2025 کو ہوگی۔
ترجمان الیکشن کمشنر پنجاب کے مطابق فیصل آباد اور ساہیوال کے پانچ حلقوں این اے 96، این اے 104، این اے 143، پی پی 98 اور پی پی 203 میں ضمنی انتخابات ہوں گے۔
ریٹرننگ آفیسرز کے فیصلوں کے خلاف اپیلوں کی آخری تاریخ 24 اکتوبر ہے اور اپیلٹ ٹریبونل اپیلوں کے فیصلے 31 اکتوبر تک کرے گا۔
امیدواروں کی نظرِ ثانی شدہ فہرست یکم نومبر کو شائع کی جائے گی، امیدواروں کی دستبرداری کی آخری تاریخ 3 نومبر مقرر ہے اور انتخابی نشانات الاٹ کرنے کی تاریخ 4 نومبر طے کی گئی ہے۔
الیکشن ایکٹ 2017 کے تحت یہ شیڈول جاری کیا گیا ہے اور الیکشن کمیشن نے ضابطہ اخلاق پر عملدرآمد یقینی بنانے کی ہدایت کی ہے۔
