راولپنڈی: پولیس نے شاپنگ مالز اور سپر اسٹورز سے چوری کرنے والے ملزم کو گرفتار کرلیا۔
پولیس کے مطابق گرفتار ملزم تین مختلف شاپنگ مالز اور سپر اسٹورز میں چوری کی وارداتیں کر چکا تھا۔ ملزم واردات کے لیے اسٹورز کے اندر چھپ جاتا تھا اور اسٹور بند ہونے کے بعد موقع پاکر چوری کر لیتا تھا۔
پولیس کا کہنا ہے کہ ملزم بعض اوقات بند اسٹورز کے تالے توڑ کر بھی چوری کرتا تھا۔ تاہم سی سی ٹی وی فوٹیجز اور ہیومن انٹیلیجنس کی مدد سے پولیس نے ملزم کو ٹریس کر کے گرفتار کرلیا۔
پولیس کے مطابق گرفتار ملزم سے 32 لاکھ روپے کی رقم برآمد کر لی گئی ہے، جب کہ اس کے خلاف تھانہ صادق آباد میں مقدمہ درج کر کے مزید تفتیش شروع کر دی گئی ہے۔
