اسلام آباد: سابق وزیر اعظم اور عوام پاکستان پارٹی کے سربراہ شاہد خاقان عباسی کو دل میں تکلیف محسوس ہونے پر اسپتال منتقل کیا گیا، جہاں ان کی حالت اب تسلی بخش بتائی جا رہی ہے۔
شاہد خاقان عباسی کو سینے میں درد کی شکایت کے بعد فوری طور پر اسپتال لایا گیا، جہاں ڈاکٹروں نے ان کا تفصیلی طبی معائنہ کیا۔ معائنے کے دوران شریانوں میں بندش سامنے آنے پر ماہرینِ قلب نے انہیں دو اسٹنٹ ڈالے۔
اسپتال ذرائع کے مطابق سابق وزیر اعظم کی حالت اب مستحکم ہے اور وہ ڈاکٹروں کی نگرانی میں ہیں۔ انہیں مکمل آرام کی ہدایت کی گئی ہے تاکہ صحت یابی کے عمل میں کوئی رکاوٹ نہ آئے۔
ذرائع اہلخانہ کا کہنا ہے کہ شاہد خاقان عباسی کی طبیعت میں بہتری آ رہی ہے اور وہ جلد گھر منتقل کیے جائیں گے۔ اہلخانہ نے عوام سے ان کی جلد صحت یابی کے لیے دعا کی اپیل بھی کی ہے۔
