لیہ:وال چاکنگ شہر کی خوبصورتی اور نظم و ضبط متاثر کرتی ہے، ملوث عناصر کے خلاف کارروائی ہو گی۔ ڈپٹی کمشنر امیرا بیدار
لیہ(نیوز رپورٹر ) تفصیلات کے مطابق ڈپٹی کمشنر امیرا بیدار کی زیرصدارت وال چاکنگ کے خاتمہ بارے اجلاس منعقدہوا۔اجلاس میں اے ڈی سی جی شبیراحمدڈوگر،اسسٹنٹ کمشنر حارث حمیدخان ودیگر متعلقہ افسران موجودتھے۔۔ ڈپٹی کمشنر نے اجلاس سے خطاب کرتے ہوئے کہاکہ وزیراعلی مریم نواز شریف کی ہدایت پرضلع بھر میں وال چاکنگ کے خاتمے کے لیے مؤثر اور ٹھوس اقدامات کیے جا رہے ہیں۔
انہوں نے کہا کہ وال چاکنگ نہ صرف شہر کی خوبصورتی کو متاثر کرتی ہے بلکہ یہ شہری نظم و ضبط کی خلاف ورزی بھی ہےوال چاکنگ میں ملوث عناصر کے خلاف سخت قانونی کارروائی عمل میں لائی جائے گی۔انہوں نے کہا کہ ضلع لیہ کو صاف، خوبصورت اور پرامن بنانا انتظامیہ کا عزم ہے.
تمام محکمے اس مقصد کے حصول کے لیے مل کر کام کریں شہری وودیگر کاروباری حضرات وال چاکنگ سے گریز کریں اور اپنی دیواروں اور عمارتوں کو صاف ستھرا رکھیں۔ڈپٹی کمشنر نے کہاکہ تمام سرکاری و غیرسرکاری عمارتوں، سکولوں، اسپتالوں، بازاروں اور عوامی مقامات پر موجود وال چاکنگ کو فوری طور پر مٹایا جائے اور آئندہ کسی بھی قسم کی وال چاکنگ کو ہرگز برداشت نہ کیا جائے گا۔
