راولپنڈی: شہر میں سیف سٹی کیمروں کے ذریعے ای چالان سسٹم متعارف کرانے کا فیصلہ کر لیا گیا ہے۔ سٹی ٹریفک پولیس کے مطابق، اس آٹومیٹڈ نظام کے تحت ٹریفک قوانین کی خلاف ورزی کرنے والے افراد کے خلاف چالان خودکار طور پر جاری کیے جائیں گے
ای چالان کے تحت درج ذیل خلاف ورزیوں پر خودکار جرمانہ عائد ہوگا
بغیر ہیلمٹ موٹر سائیکل چلانا، زیبرا کراسنگ کی خلاف ورزی، لین اور لائن توڑنا ، مقررہ حدِ رفتار سے تجاوز ، سگنل توڑنا
چالان کی اطلاع ایس ایم ایس اور ای میل کے ذریعے موصول ہوگی، جبکہ جرمانہ بھی آن لائن ادا کیا جا سکے گا۔ مقررہ مدت میں جرمانہ ادا نہ کرنے کی صورت میں قانونی کارروائی عمل میں لائی جائے گی
سٹی ٹریفک پولیس کے ترجمان نے کہا کہ یہ خودکار نظام ٹریفک مینجمنٹ کو مزید شفاف بنائے گا اور سڑکوں کو محفوظ کرنے میں مددگار ثابت ہوگا۔ انہوں نے شہریوں سے اپیل کی کہ چالان سے بچنے کے لیے موٹر سائیکل پر ہیلمٹ پہنیں اور سڑک پر گاڑی چلانے والے ڈرائیورز ٹریفک قوانین کی مکمل پابندی کریں
