ایلون مسک نے کہا ہے کہ مصنوعی ذہانت مستقبل میں دفتری ملازمتوں کو بالکل ایسے بنا دے گی جیسے کمپیوٹر کے دور سے پہلے لوگ دستی حساب کتاب کرتے تھے۔
مسک نے کامیڈی پوڈ کاسٹ پر جو روگن کو بتایا کہ ان کے خیال میں ملازمتوں کی مانگ بڑھتی رہے گی، لیکن ضروری نہیں کہ نوکریاں پہلے جیسی رہیں۔ ان کا کہنا تھا کہ یہ عمل پوری جدید تاریخ میں جاری رہا ہے، اور مصنوعی ذہانت پہلے ہی ڈیجیٹل بنیادوں پر دفتری ملازمتوں کی جگہ لے رہی ہے اور تیز رفتار سے ایسا کرتی رہے گی۔
ایلون مسک نے اسے ایک "سپرسونک سونامی” قرار دیا اور کہا کہ تمام ملازمتیں فوری طور پر خطرے میں نہیں آئیں گی۔ وہ ملازمتیں جن میں جسمانی محنت اور انسانی تعامل کی ضرورت ہو، زیادہ دیر تک برقرار رہیں گی۔
انہوں نے مزید کہا کہ کوئی بھی کام جو جسمانی طور پر ایٹموں کو حرکت دیتا ہے، جیسے کھانا پکانا، کھیتی باڑی یا دیگر جسمانی محنت والی ملازمتیں زیادہ دیر تک زندہ رہیں گی، جبکہ کوئی بھی ڈیجیٹل نوکری جس میں کمپیوٹر پر کام کرنا شامل ہے، اسے مصنوعی ذہانت بہت تیزی سے سنبھال لے گی۔
