کراچی: محکمہ موسمیات نے آئندہ تین روز کے لیے موسم کی پیشگوئی جاری کرتے ہوئے کہا ہے کہ دن میں گرم، رات میں خنک اور صبح کے اوقات میں ہلکی دھند رہے گی
محکمہ موسمیات کے مطابق کراچی میں موسم خشک رہنے کا امکان ہے، دن کے اوقات میں درجہ حرارت 29 سے 31 ڈگری سینٹی گریڈ تک رہے گا جبکہ رات میں پارہ 16 سے 18 ڈگری تک گر سکتا ہے۔
صبح کے وقت ہلکی دھند چھائی رہے گی اور فضاء میں نمی کی شرح 75 سے 85 فیصد تک رہنے کی پیشگوئی کی گئی ہے۔ ہوائیں ابتدا میں شمال مشرق سے چلیں گی اور بعد میں جنوب مغرب کی سمت اختیار کریں گی۔
محکمہ موسمیات نے شہریوں کو رات کے وقت خنکی سے بچاؤ اور صبح کے وقت حدِ نگاہ میں کمی کے باعث احتیاط برتنے کی ہدایت کی ہے۔
