امریکی صدر ڈونلڈ ٹرمپ نے کہا ہے کہ غزہ امن معاہدے کی کامیابی کے لیے رفح کا معاملہ حل ہونا ضروری ہے۔
امریکا نے اسرائیل سے مطالبہ کیا ہے کہ رفح میں محصور فلسطینیوں کو محفوظ راستہ فراہم کیا جائے۔ صدر ٹرمپ کا پیغام جیرڈ کشنر کے ذریعے اسرائیلی وزیراعظم نیتن یاہو تک پہنچا دیا گیا ہے۔ دوسری جانب، گزشتہ روز اسرائیلی حملوں میں مزید تین فلسطینی شہید ہوگئے۔
فلسطینی صدر محمود عباس نے پیرس میں فرانسیسی صدر ایمانوئیل میکرون سے ملاقات کی، جس میں فرانسیسی صدر نے فلسطینی ریاست کے لیے آئین بنانے میں مدد کی پیشکش کی۔
ادھر حزب اللہ کے نائب سربراہ نعیم قاسم نے کہا ہے کہ جنوبی لبنان میں جنگ بندی کو تسلیم کرتے ہیں، تاہم اپنے ہتھیار نہیں پھینکیں گے۔
