اسلام آباد: وزیر مملکت برائے داخلہ طلال چوہدری نے کہا ہے کہ اسلام آباد میں خودکش حملہ کرنے والا دہشتگرد پاکستانی نہیں تھا۔
طلال چوہدری نے بتایا کہ وانا اور اسلام آباد کے حملوں کے شواہد کی روشنی میں بھارت اور افغانستان کے نام سامنے آئے، اور یہ معلومات ثالثوں کے ساتھ شیئر کی جائیں گی۔
انہوں نے کہا کہ خیبر پختونخوا حکومت کا فرض ہے کہ وفاق کے ساتھ ایک پیج پر رہے، اور سہیل آفریدی نے کبھی یہ نہیں کہا کہ وہ دہشتگردی کے معاملے پر اپنے لیڈر سے ملاقات کرنا چاہتے ہیں۔ طلال چوہدری نے مزید کہا کہ وانا اور اسلام آباد کے حملہ آوروں کے خلاف کارروائی کے لیے کسی ملاقات کی ضرورت نہیں۔
واضح رہے کہ 2 روز قبل اسلام آباد کے جی الیون سیکٹر میں کچہری کے نزدیک خودکش دھماکے کے نتیجے میں 12 افراد شہید اور متعدد زخمی ہو گئے تھے۔
