جسٹس منصور اور جسٹس اطہر کو مستعفی ہونے پر خراج تحسین پیش کرتے ہیں: اسد قیصر

پشاور:  پاکستان تحریک انصاف (پی ٹی آئی) کے رہنما اور سابق سپیکر قومی اسمبلی اسد قیصر نے جسٹس منصور علی شاہ اور جسٹس اطہر من اللہ کو مستعفی ہونے پر خراج تحسین پیش کیا ہے۔

اسد قیصر نے اپنے بیان میں 27 ویں آئینی ترمیم کے عمل پر سوال اٹھاتے ہوئے کہا کہ "قانون میں ترمیم اس طرح کی جاتی ہے؟ ایک بار ترمیم کر کے پھر کہنا کہ یہ ایسا نہیں ویسا ہے۔”

انہوں نے مزید کہا کہ "نواز شریف کہتے ہیں ووٹ کو عزت دو، وہ اجلاس میں زیادہ تر نہیں آتے لیکن کل آ گئے۔ آج پی ٹی آئی کا اجلاس ہوگا جس میں آئندہ کے لائحہ عمل کا فیصلہ کیا جائے گا۔ وکلاء اور مزدور تنظیموں کو اس وقت پی ٹی آئی کے ساتھ کھڑا ہونا چاہیے۔”