واشنگٹن: امریکا اور سعودی کمپنیوں کے درمیان 270 ارب ڈالر کے معاہدوں پر دستخط ہوگئے ہیں۔
صدر ڈونلڈ ٹرمپ نے امریکا سعودی بزنس فورم سے خطاب میں کہا کہ سعودی ولی عہد محمد بن سلمان اور میں نے دونوں ممالک کے اتحاد کو پہلے سے زیادہ مضبوط بنایا ہے۔ انہوں نے مزید کہا کہ امریکا اب دنیا کی سب سے کامیاب معیشت بن چکا ہے۔
صدر ٹرمپ نے سوڈان میں جاری جنگ کے خاتمے کے لیے بھی جلد کام شروع کرنے کا اعلان کیا اور کہا کہ سعودی عرب امریکا کا سب سے بڑا نان نیٹو اتحادی ہے، اور ایران کے ساتھ بھی ممکنہ جوہری معاہدہ ہو سکتا ہے۔
دوسری جانب سعودی وزیر سرمایہ کاری نے بتایا کہ سعودی عرب اور امریکا کے درمیان معاہدوں کی مجموعی مالیت اب 557 ارب ڈالرز تک پہنچ گئی ہے۔
