امریکی ریاست پنسلوینیا کے شہر فلاڈیلفیا کے مضافاتی علاقے میں ایک نرسنگ ہوم میں دھماکے کے نتیجے میں آگ بھڑک اٹھی۔
امریکی میڈیا کے مطابق دھماکے کے باعث نرسنگ ہوم کا ایک حصہ منہدم ہو گیا۔ حکام نے واقعے میں دو افراد کی ہلاکت کی تصدیق کی ہے جبکہ متعدد افراد لاپتہ ہیں۔
گورنر پنسلوینیا نے بتایا کہ واقعے کے بعد مقامی ریسکیو اداروں، عملے اور شہریوں نے فوری طور پر بزرگ افراد کو محفوظ مقامات پر منتقل کیا۔
دھماکے کے فوراً بعد حفاظتی اقدامات کے تحت نرسنگ ہوم کی گیس اور بجلی کی فراہمی منقطع کر دی گئی تاکہ ریسکیو اہلکاروں اور قریبی رہائشیوں کی حفاظت یقینی بنائی جا سکے۔
ابتدائی تحقیقات میں گیس لیکیج کو دھماکے کی ممکنہ وجہ قرار دیا گیا ہے، تاہم واقعے کی حتمی وجہ معلوم کرنے کے لیے تحقیقات جاری ہیں۔
