دبئی حکومت نے اعلان کیا ہے کہ 2026 کو شاندار آتش بازی کے ساتھ خوش آمدید کہا جائے گا، جس کے لیے 40 مقامات پر آتش بازی کا اہتمام کیا جائے گا۔
دبئی حکومت کی جانب سے جاری بیان میں بتایا گیا ہے کہ سال نو کی تیاریاں جاری ہیں اور شہر کے اہم مقامات برج خلیفہ، دبئی فریم، دی ورلڈ آئی لینڈز اور فیسٹول سٹی پر رنگا رنگ آتش بازی ہوگی۔
بیان میں مزید کہا گیا کہ برج العرب، پام جمیرا، دبئی کریک، گلوبل ویلیج، السیف، حتہ اور بلیو واٹر میں بھی خصوصی آتش بازی کے پروگرام ہوں گے۔
اس کے علاوہ متحدہ عرب امارات کے دیگر امارات ابوظبی، شارجہ اور راس الخیمہ میں بھی 10 سے زائد مقامات پر شاندار آتش بازی کی جائے گی تاکہ نئے سال کا آغاز یادگار بنایا جا سکے۔
